47 տարի առանց Սանտիագո Բեռնաբեուի

02.06.2025

630 0

1978 թ. հունիսի 2-ին Մադրիդում` 82 տարեկան հասակում մահացավ Սանտիագո Բեռնաբեուն՝ «Ռեալ Մադրիդի» պատմության առանցքային կերպարներից մեկը։ Նա եղել է ֆուտբոլիստ, մարզիչ, ղեկավար և նախագահ։

Նրա ազդեցությունը «Ռեալի» անվան ձևավորման վրա չափազանց մեծ է։ Նախագահի պաշտոնում իր պաշտոնավարման ընթացքում ակումբը զգալի առաջընթաց է ապրել ինչպես կառույցային, այնպես էլ սպորտային մակարդակով։

Բեռնաբեուի նախաձեռնություններից էր նաև «Նոր Չամարտին» ստադիոնի կառուցումը, որը բացվեց 1947 թվականին և հետագայում վերանվանվեց իր պատվին։

Սանտիագո Բեռնաբեուն ծնվել է 1895 թ. հունիսի 8-ին Ալմանսայում (Ալբասետե) և նախագահ է ընտրվել 1943 թվականին։ «Ռեալը» Բեռնաբեուի նախագահությամբ նվաճել է՝

6 Եվրոպայի գավաթ

16 Իսպանիայի առաջնություն (Լա Լիգա)

1 Միջմայրցամաքային գավաթ

6 Իսպանիայի գավաթ

2 Լատինական գավաթ

2 Փոքր աշխարհի գավաթ

Ձեռքբերումներ բասկետբոլում

Բեռնաբեուի ղեկավարության շրջանում բասկետբոլի բաժինը նույնպես մեծ հաջողություններ է գրանցել՝

6 Եվրոպայի գավաթ

3 Միջմայրցամաքային գավաթ

19 Իսպանիայի առաջնություն

18 Իսպանիայի գավաթ