«Ռեալը» կարող է խզել պայմանագիրը Ռեյների հետ։
23-ամյա բրազիլացին «Ռեալի» ֆուտբոլիստ է դարձել 2020 թվականի հունվարին։ «Սերուցքայինները» նրա տրանսֆերի դիմաց «Ֆլամենգոյին» վճարել են մոտ 30 մլն եվրո։
5-ից ավելի տարիների ընթացքում Ռեյները որևէ րոպե չի անցկացրել հիմնական թիմի կազմում։ Նա վարձակալությամբ հանդես է եկել «Բորուսիա Դորտմունդում», «Ժիրոնայում», «Ֆրոզինոնեում» և «Գրանադայում»։
As-ի փոխանցմամբ, Խաբի Ալոնսոն նրա հետ հույսեր չի կապում, իսկ նրա վերադարձը երկրորդ թիմ ևս քիչ հավանական է։
Ռեյների պայմանագիրը նախատեսված է մինչ 2026 թվականը։ Եթե «Ռեալը» այս տրանսֆերային պատուհանի ընթացքում չվաճառի նրա տրանսֆերային իրավունքները, ապա մեծ հավանականությամբ կխզի պայմանագիրն, ու ֆուտբոլիստը կստանա ազատ գործակալի կարգավիճակ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
