«Ռեալը» մտադիր է հրաժեշտ տալ առաջատարներից մեկին

17.07.2025

1143 0

Մադրիդի «Ռեալը» մտադիր է այս ամռանը բաժանվել ավստրիացի պաշտպան Դավիդ Ալաբայից՝ աշխատավարձային ֆոնդը թեթևացնելու և ֆինանսական ռեսուրսները ազատելու նպատակով։ Այս մասին հայտնում է հայտնի AS պարբերականը։

Աղբյուրի տվյալներով՝ հենց ֆուտբոլիստը պատրաստ չէ լքել ակումբը և ցանկանում է ավարտին հասցնել իր պայմանագիրը, որը գործում է մինչև 2026 թվականի հունիսի 30-ը։ Նրա նպատակն է լինել լավ մարզավիճակում՝ պատրաստվելով հաջորդ ամառ մեկնարկող Աշխարհի առաջնությանը։

Նշվում է, որ 33-ամյա Ալաբայի ապագայի հարցը կախված է նրա վերականգնման ընթացքից։ Ավելի վաղ հաղորդվում էր, որ նա կարող է բաց թողնել մեկ ամիս՝ ձախ սրունքոսկրի մկանային վնասվածքի պատճառով, որը ստացել է հունիսի վերջին։

Ալաբան Եվրոպայի երկրորդ ամենաբարձր վարձատրվող պաշտպանն է և «Ռեալում» երրորդն է այս ցուցանիշով՝ Կիլիան Մբապեից և Վինիսիուս Ժունիորից հետո։ Մամուլի տեղեկություններով՝ նա շաբաթական ստանում է ավելի քան 415 հազար եվրո։

Fanat, Realmadrid.am