Մադրիդի «Ռեալը» չի ցանկանում ուռճացնել աշխատավարձերի ֆոնդը Վինիսիուսի պատճառով։

Ինչպես հաղորդում է AS-ը, կողմերը բանակցում են պայմանագրի երկարաձգման շուրջ։

Ըստ պայմանագրի, որը գործում է մինչև 2027 թվականը, բրազիլացին հարկերից հետո տարեկան միջինը ստանում է 15 միլիոն եվրո։ Վճարումները պրոգրեսիվ բնույթ ունեն՝ սկզբում քիչ, վերջում՝ ավելի շատ։ Ընդհանուր առմամբ, պայմանագիրը ֆուտբոլիստին կբերի 150 միլիոն եվրո հինգ մրցաշրջանի ընթացքում։

Բացի այդ, The Best մրցանակում հաղթանակը Վինիսիուսին ավելացրել է ևս 2 միլիոն եվրո տարեկան եկամուտ։

Աղբյուրի համաձայն՝ «Ռեալը» չի ցանկանում խախտել ներքին աշխատավարձային ֆոնդը՝ հանուն Վինիսիուսի։ Ակումբը փորձում է խուսափել կոնֆլիկտից Կիլիան Մբապեի և Ջուդ Բելինգեմի հետ։

Եթե Վինիսիուսը նոր պայմանագրով ստանա ավելի քան 15 միլիոն եվրո տարեկան «մաքուր» աշխատավարձ, ապա նա կվաստակի ավելին, քան Մբապեն։ Այդ դեպքում կարձանագրվի մտավախություն, որ ինչպես ֆրանսիացին, այնպես էլ անգլիացին կարող են դիմել աշխատավարձի բարձրացման խնդրանքով։

Սակայն Վինիսիուսի շրջապատում կարծում են, որ Մբապեի տեղափոխության պահին ստացած միանվագ բոնուսը կարելի է համարել թաքնված աշխատավարձ, եթե այն բաժանվի հինգ տարվա վրա։

Նշվում է, որ բրազիլացին ցանկանում է մնալ «Ռեալում», սակայն ակնկալում է աշխատավարձ, որը կհամապատասխանի իր հաջողություններին։ Ֆուտբոլիստը չի դիտարկել առաջարկը Սաուդյան Արաբիայից։

Fanat, Realmadrid.am