Մադրիդի «Ռեալի» լեգենդ Զինեդին Զիդանի որդին՝ «Գրանադայի» դարպասապահ Լուկա Զիդանը, կարող է տեղափոխվել «Փարիզ»։ Այս մասին տեղեկացնում է L’Équipe-ը։
Ֆուտբոլիստը «Արքայական ակումբի» սան է։ Մեծահասակների մակարդակում դարպասապահը նույնպես հանդես է եկել մադրիդյան գրանդի կազմում՝ անցկացնելով երկու հանդիպում։ Բացի այդ, Զիդանը պաշտպանել է «Ռասինգի», «Ռայո Վալեկանոյի» և «Էյբարի» գույները։ Նա հանդես է եկել նաև Ֆրանսիայի պատանեկան և երիտասարդական հավաքականներում, սակայն երբեք չի հրավիրվել ազգային թիմ։
Զիդանի պայմանագիրը «Գրանադայի» հետ ուժի մեջ է մինչև 2027 թվականի ամառը, իսկ նրա տրանսֆերային արժեքը գնահատվում է 1,5 միլիոն եվրո։
Հիշեցնենք, որ անցած մրցաշրջանի արդյունքներով «Փարիզը» Լիգա 2-ի մրցաշարային աղյուսակում զբաղեցրել է երկրորդ հորիզոնականը և իրավունք ստացել մասնակցելու Ֆրանսիայի բարձրագույն դիվիզիոնի առաջնությանը։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
