Realmadrid.com-ը արդեն իններորդ տարին անընդմեջ մնում է աշխարհի ամենաայցելվող ֆուտբոլային ակումբի կայքը, տեղեկացնում է «Ռեալի» պաշտոնական կայքը։

Ամսական միջինը այն այցելում է 8,2 միլիոն մարդ (ըստ թվային վերլուծությամբ զբաղվող SimilarWeb ընկերության տվյալների)։ Կայքը հուլիսին ավարտված մրցաշրջանը փակել է 79 միլիոն օգտատերի եզակի ցուցանիշով (նրանք, ովքեր գոնե մեկ անգամ այցելել են կայքը), ինչը 16%-ով ավել է նախորդ տարվա համեմատ։ Կայքի ամբողջ տրաֆիկի 47%-ը, որի տարբերակները հասանելի են իսպաներեն, անգլերեն, ֆրանսերեն, գերմաներեն, պորտուգալերեն, ճապոներեն, չինարեն և արաբերեն լեզուներով, բաժին է հասնում 18-34 տարեկան տարիքային խմբին։

Միջին ամսական այցելելիությամբ թոփ-5-ում են նաև՝

«Լիվերպուլ» — 7,4 մլն

«Բարսելոնա» — 6,1 մլն

«Մանչեսթեր Յունայթեդ» — 6 մլն

«Արսենալ» — 5,3 մլն

Fanat, Realmadrid.am