12-րդ խաղային օրվա՝ Աշխարհի ակումբային առաջնության 3-րդ տուրի ավարտից հետո հայտնի դարձան ևս չորս թիմեր, որոնք դուրս եկան մրցաշարի 1/8 եզրափակիչ փուլ։ Ընդհանուր առմամբ արդեն հայտնի են 16-ից 14 թիմերը, որոնք կխաղան փլեյ–օֆֆի խաղերում։

Ներկայացուցիչների ամենամեծ թիվը այս պահին ունի Եվրոպան։ Հին աշխարհամասից փլեյ-օֆֆ են դուրս եկել 8 թիմ՝

• «Ինտեր» (Իտալիա),
• «Յուվենտուս» (Իտալիա),
• «Բենֆիկա» (Պորտուգալիա),
• «Չելսի» (Անգլիա),
• «Մանչեսթեր Սիթի» (Անգլիա),
• «ՊՍԺ» (Ֆրանսիա),
• «Բորուսիա» Դորտմունդ (Գերմանիա)
• «Բավարիա» (Գերմանիա)

Հարավային Ամերիկայից փլեյ-օֆֆ դուրս եկած չորս ակումբներն էլ Բրազիլիայից են՝

• «Պալմեյրաս»,
• «Բոտաֆոգո»,
• «Ֆլումինենսե»
•  «Ֆլամենգո»

Նկատելի է, որ երկու արգենտինական ակումբներն արդեն դուրս են մնացել մրցաշարից։

ԿՈՆԿԱԿԱՖ-ը փլեյ-օֆֆում կունենա երկու ներկայացուցիչ՝

• «Մոնտերեյ» (Մեքսիկա)
• «Ինտեր Մայամի» (ԱՄՆ)

Մնում են միայն երկու ազատ տեղ 1/8 եզրափակչում, որոնց համար պայքարում են H խմբի թիմերը՝

•  «Ռեալ Մադրիդ» (4 միավոր),
• «Ռեդ Բուլ Զալցբուրգ» (4 միավոր)
• «Ալ-Հիլալ» (2 միավոր)։