«Ռեալը» լրջորեն հետաքրքրված է «ԱԶ Ալկմարի» 19-ամյա կիսապաշտպան Կես Սմիթի ծառայություններով։
Եվրոպայի Մ19 տարեկանների առաջնությունում հոլանդացին դարձավ լավագույն ֆուտբոլիստ։ Մրցաշարի եզրափակչում նրանք հաղթեցին Իսպանիայի ընտրանուն։
Ինչպես հայտնում է As-ը, «Ռեալը» նախկինում հետևել է ֆուտբոլիստին, սակայն այժմ հետաքրքրվածությունն էլ ավելի է աճել։ Նա դարձել է կիսապաշտպանության գիծն ուժեղացնելու լուրջ տարբերակ, և որոշակի կոնտակտներ նրա հետ արդեն եղել են։
Սմիթի գործող պայմանագիրը նախատեսված է մինչ 2028 թվականը։ Տրանսֆերը կախված է լինելու բանակցությունների ընթացքից, սակայն դեռևս չի նշվում, թե որքան գումար է պահանջելու հոլանդական ակումբը։
«ԱԶ»-ում չեն դիտարկում իրենց սանին բաց թողնելու տարբերակը, սակայն որոշիչ կարող է լինել ֆուտբոլիստի ցանկությունը, իսկ նրան մոտ կանգնած աղբյուրների փոխանցմամբ, «Ռեալում» հանդես գալը նրա երազանքն է։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
