Մադրիդի «Ռեալը» հույս ունի 30 միլիոն եվրո ստանալ ֆուտբոլիստի տրանսֆերից, որը լքել է ակումբը 2022 թվականին։

Այդ ֆուտբոլիստը Տակեֆուսա Կուբոն է, որը սկսած 2019 թվականին պայմանագիր կնքելու պահից, ոչ մի անգամ չի խաղացել «Ռեալ Մադրիդի» կազմում։

Այս ամառ «Արքայական ակումբը» կարող է 30 միլիոն եվրո ստանալ ֆուտբոլիստի համար:

«Սանտիագո Բեռնաբեուից» դուրս նա անցկացրել է վարձակալության չորս շրջան՝ հանդես գալով «Մալյորկայում», «Վիլյառեալում» և «Խետաֆեում»՝ նախքան վերադարձը «Մալյորկա» ևս մեկ մրցաշրջանի համար։

Նրա ելույթները Իսպանիայում տպավորել են «Ռեալ Սոսյեդադին», որը 2022 թվականի ամռանը մշտական պայմանագիր է ստորագրել։

24-ամյա ֆուտբոլիստի պայմանագրում, որն ակումբի կազմում անցկացրած 137 խաղում խփել է 23 գոլ, նշված է 60 միլիոն եվրոյի (52 միլիոն ֆունտ ստերլինգ) հրաժարագին։

«Սերուցքայինները» պահպանում են խաղացողի տրանսֆերային իրավունքների 50%-ը, ինչը նշանակում է, որ ճապոնացու ակումբային գրանցման փոփոխման դեպքում մադրիդյան գրանդը կստանա գործարքի արժեքի կեսը:

Fanat, Realmadrid.am