Մադրիդի «Ռեալը» ոչ սոցիալական ցանցերում, ոչ ակումբային հեռուստատեսությամբ չի շնորհավորել իր ֆուտբոլիստներին՝ «Ոսկե գնդակ» – 2025 մրցանակին հավակնելու համար, քանի որ հիասթափված է այդ մրցանակից:
«Սա «Ոսկե գնդակի» կազմակերպիչներին ուղերձ է, որ նախորդ տարվա արդյունքներից հետո «Ռեալը» չի հավատում մրցանակի արդարությանը, հաղորդում է COPE–ը:
Հավանական է, որ «Արքայական ակումբը» կշարունակի նույն ռազմավարությունը նաև հաջորդ մրցաշրջաններում՝ անկախ հավակնորդ ֆուտբոլիստներից։
«Ոսկե գնդակ» – 2025–ին «Ռեալից» հավակնում են Վինիսիուս Ժունիորը, Կիլիան Մբապեն և Ջուդ Բելինգեմը։
Հիշեցնենք, որ նախորդ տարի «Ռեալի» պատվիրակությունը բոյկոտել էր «Ոսկե գնդակի» մրցանակաբաշխությունը, քանի որ վերջին պահին պարզ էր դարձել, որ Վինիսիուս Ժունիորի փոխարեն մրցանակը բաժին է հասնելու Ռոդրիին։
ՌԵԱԼ ՄԱԴՐԻԴ 
Հայերեն 
English 
