The Athletic-ի լրագրող Կորտեգանայի նորությունների ամփոփում

20.05.2025

557 0

«Ռեալը» չի բացառում նոր կիսապաշտպանի ձեռքբերման հնարավորությունը, հատկապես՝ կրեատիվ հատկություններով ֆուտբոլիստի։ Չնայած մամուլում արդեն սկսել են շրջանառվել որոշ անուններ՝ ինչպես Շտիլերը և Ռեյնդերսը, ներկայումս ակումբը որևէ մեկի հետ բանակցություններ չի վարում։
Վերջնական որոշումը՝ ձեռք բերել նոր կիսապաշտպան, թե ոչ, կախված կլինի ԱԱԱ–ում «սերուցքայինների» ելույթներից, ինչպես նաև ներկա ֆուտբոլիստներից որևէ մեկի հնարավոր հեռանալուց։ Միևնույն ժամանակ, հաշվի կառնվի նաև Խաբի Ալոնսոյի կարծիքը։
Ակումբը հատուկ ուշադրություն է դարձնում ձախ պաշտպանների դիրքի ուժեղացմանը։ Այս պահին «Ռեալ» տեղափոխության ֆավորիտը Կարերասն է, թեև բանակցությունները դեռևս առաջընթաց չեն գրանցել։ Ակումբին առաջարկվել են նաև Գրիմալդոն և Կերկեզը, բայց քիչ հավանական է, որ «Ռեալը» այս տրանսֆերային պատուհանում գնի «Բորնմութի» երկու խաղացողի։
Մոդրիչի և Լուկաս Վասկեսի պայմանագրերի երկարաձգման հարցը որոշվելու է այս շաբաթ։ Եթե խորվաթը ցանկություն հայտնի մնալ ակումբում, նա հավանաբար կանաչ լույս կստանա՝ հաշվի առնելով նրա ներդրումն ու փորձը։ Իսկ Լուկասի իրավիճակն այլ է՝ իր դիրքում առկա ուժեղ մրցակցության պատճառով։
ԱԱԱ–ում Ալեքսանդր-Առնոլդի մասնակցության համար «Ռեալը» պատրաստ է որոշակի ֆինանսական քայլերի, օրինակ՝ վճարել նրա աշխատավարձը «Լիվերպուլում» հունիս ամսվա համար։ Սակայն այժմ մնում է միայն հետեւել զարգացումներին և սպասել՝ արդյոք «սերուցքայիններին» կհաջողվի՞ ձեռք բերել բրիտանացուն մինչ ԱԱԱ-ն, թե՞ նա նորամուտը նոր թիմում կնշի միայն հաջորդ մրցաշրջանից։
Հյոյսենը ձեռք է բերվել Ալոնսոյի պահանջով։ «Ռեալը» վճռական քայլեր է արել 20-ամյա կենտրոնական պաշտպանի ձեռքբերման ուղղությամբ՝ հաշվի առնելով նոր գլխավոր մարզչի հետաքրքրվածությունը։ Ֆուտբոլիստը նույնպես մեծ դեր է ունեցել այս տրանսֆերում։