Իսպանիայի դատախազությունը պահանջում է երկու ու կես տարվա ազատազրկում Մադրիդի «Ռեալի» պաշտպան Ռաուլ Ասենսիոյի համար։ Այս մասին հայտնում է Cadena SER-ը։ Գործը վերաբերում է ինտիմ տեսանյութի տարածմանը։
Նույն գործով անցնում են ևս երեք ֆուտբոլիստ, որոնց համար պահանջվում է չորս տարի յոթ ամիս ազատազրկում։ Ենթադրվող հանցագործությունը տեղի է ունեցել 2023 թվականին։
2025 թվականին Իսպանիայի Գրան Կանարիայի քննչական դատարանը քրեական գործ է հարուցել Ասենսիոյի և նրա նախկին թիմակիցներ Անդրես Գարսիայի, Ֆերրան Ռուիսի և Խուան Ռոդրիգեսի նկատմամբ։ Նրանց մեղադրում են երկու կանանց մասնակցությամբ ինտիմ բնույթի տեսանյութի նկարահանման և տարածման համար՝ առանց կանանց համաձայնության։ Նշվում է, որ նրանցից մեկն
Չնայած նրան, որ Ասենսիոն չի մասնակցել տեսանյութի նկարահանմանը, նա մեղադրվում է գաղտնիք հրապարակելու մեջ։ Դատավորը գտնում է, որ կան ապացույցներ, որ Ասենսիոն պահանջել է տեսանյութը՝ գիտակցելով, որ այն ձեռք է բերվել առանց կանանց համաձայնության և պահպանվել է, չնայած նրանց ջնջելու պահանջին։
Ռաուլ Ասենսիոն 22 տարեկան է, նա «Ռեալի» սան է։ Իսպանացին թիմի հիմնական կազմում մասնակցել է 46 հանդիպման՝ կատարելով երկու գոլային փոխանցում։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
