«Ռեալը» կարծես թե դուրս է եկել Ջուդ Բելինգեմի տրանսֆերի համար մղվող պայքարից։
Marca-ի փոխանցմամբ, այժմ ֆուտբոլիստի տրանսֆերը գնահատվում է մոտ 150 մլն եվրո, իսկ «Արքայական» ակումբը պատրաստ չէ նման գումար վճարել։ «Ռեալում» գիտեն, որ անգլիացին առաջիկա տարիներին լինելու է թոփ մակարդակի վրա, սակայն գտնում են, որ 150 մլն եվրոն չափազանց մեծ գումար է և կարող է վնասել ակումբի տնտեսական համակարգին։
Լուկա Մոդրիչն ու Թոնի Կրոսը իրենց կարիերայի մայրամուտին են, և «Սերուցքայինները» արդեն սկսել են նրանց փոխարինելու տարբերակներ փնտրել։ Առայժմ «Ռեալը» հույս է դնում Կամավինգա, Չուամենի և Վալվերդե եռյակի վրա։
Միևնույն ժամանակ «Ռեալը» գտնում է, որ Բելինգեմի կարծիքը կարող է որոշիչ լինել։
Այժմ նրա տրանսֆերի համար մղվող պայքարում գերիշխում է «Լիվերպուլը»։
Ընթացիկ մրցաշրջանում Բելինգեմը «Բորուսիա Դորտմունդի» կազմում մասնակցել է 22 հանդիպման՝ դառնալով 9 գոլի և 3 գոլային փոխանցման հեղինակ։ ԱԱ 2022-ի ընթացքում Անգլիայի հավաքականի կազմում նա դարձել է մեկական գոլի և գոլային փոխանցման հեղինակ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
