Մարկո Ասենսիոն և Դանի Սեբալյոսը այս տրանսֆերային պատուհանի ընթացքում կարող են հեռանալ Մադրիդի «Ռեալից»։
Marca-ի փոխանցմամբ, այս ֆուտբոլիստները ակումբից նոր պայմանագիր կնքելու առաջարկներ չեն ստացել։ Նրանց գործող պայմանագրերի ժամկետը ավարտվում է 2023 թվականին։
Ե՛վ Ասենսիոն, և Սեբալյոսը ցանկանում է ավելի շատ խաղաժամանակ ստանալ։ Նրանք ցանկանում են Իսպանիայի հավաքականի կազմում մասնակցել ԱԱ 2022-ին և հասկանում են, որ «Ռեալում» մնալու և քիչ խաղաժամանակ ստանալու պայմաններում դա անելը շատ ավելի բարդ է լինելու։
Ֆուտբոլիստների գործակալները արդեն իսկ նոր տարբերակներ են փնտրում իրենց հաճախորդների համար։
«Արքայական» ակումբը իր հերթին պատրաստ է առաջարկներ լսել, սակայն հստակ հասկացրել է, որ նրանց նվերի տեսքով բաց չի թողնելու։
Ակումբում հասկանում են, որ բարդ է լինելու նոր պայմանագրեր կնքել այս ֆուտբոլիստների հետ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
