«Չելսիի» դեմ առաջին խաղում Սերխիո Ռամոսը հայացքով և իր շարժումներով ուղեկցում էր «Ռեալի» ֆուտբոլիստների բոլոր հարվածները, սակայն դա անում էր տրիբունայից։ Ավագը դեռևս պատրաստ չէր մասնակցել «Չելսիի» դեմ առաջին խաղին։
2021 թվականին Ռամոսը վնասվածքների և կորոնավիրուսի պատճառով միայն երեք անգամ է խաղադաշտ դուրս եկել։ Այնուամենայնիվ, Ռամոսը արդեն մարզվում է ընդհանուր խմբում և շատ մոտ է խաղադաշտ վերադառնալուն։
Ամենայն հավանականությամբ Ռամոսը պատրաստ կլինի «Չելսիի» դեմ պատասխան խաղին։ Ավելի վաղ այդ մասին հայտնել էր նաև իսպանական AS պարբերականը։
Զիդանը կարող է Ռամոսին խաղալու հնարավորություն տալ նաև «Օսասունայի» դեմ կայանալիք առաջիկա խաղին, որպեսզի վերջինս կարողանա վերգտնել խաղային ռիթմը։
Սա կարող է հիանալի նորություն լինել Զինեդին Զիդանի և Մադրիդի «Ռեալի» համար։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
