Մադրիդի «Ռեալը» հետաքրքրված է Թուրինի «Յուվենտուսի» կենտրոնական պաշտպան Բրեմերով։ Բրազիլացի ֆուտբոլիստը ներառված է «Արքայական ակումբի» գլխավոր սկաուտ Յունի Կալաֆատի ցանկում։ Այս մասին հայտնում է Defensa Central-ը։

Աղբյուրի տեղեկությամբ՝ խաղացողի հնարավոր տեղափոխությանը մադրիդյան գրանդի կազմ կարող է խոչընդոտել նրա բարձր տրանսֆերային արժեքը։ Իտալական գրանդը Բրեմերին գնահատում է 60 միլիոն եվրո, սակայն «Ռեալը» պատրաստ չէ այդքան վճարել գործարքի համար։ Նշվում է, որ Անգլիայի ակումբները կարող են «Յուվենտուսին» առաջարկել պահանջվող գումարը։

Ընթացիկ մրցաշրջանում Բրեմերը մասնակցել է հինգ խաղի բոլոր մրցաշարերում և գրանցել երկու գոլային փոխանցում։ Ֆուտբոլիստի գործող պայմանագիրն ակումբի հետ ուժի մեջ է մինչև 2029 թվականի ամառը։ 

Fanat, Realmadrid.am