«Մանչեսթեր Յունայթեդը» հետաքրքրված է «Շտուտգարտի» կիսապաշտպան Անգելո Շտիլերի ծառայություններով, հաղորդում է լրագրող Բեն Ջեյկոբսը։

Այս պահին «կարմիր սատանաներն» ակտիվորեն քննարկում են, թե արդյոք արժի ևս մեկ կիսապաշտպանի գնել՝ նախքան տրանսֆերային պատուհանի փակվելը։

Հիշեցնենք, որ գարնանն ու այս ամառ ԶԼՄ–ներն ակտիվորեն գրում էին, որ նրա ծառայություններով հետաքրքրված է Մադրիդի «Ռեալը»։

Նախորդ մրցաշրջանում Շտիլերը մասնակցել է 47 հանդիպման, դարձել 4 գոլի և 11 գոլային փոխանցման հեղինակ։ Transfermarkt–ը 45 միլիոն եվրո է գնահատում նրա տրանսֆերային արժեքը։