Բրազիլիայի Սան Պաուլու քաղաքում գտնվող «Նեո Քիմիկա Արենա» մարզադաշտում կայացավ աշխարհի 2026 թվականի առաջնության հարավամերիկյան ընտրական փուլի 16-րդ տուրի հանդիպումը Բրազիլիայի և Պարագվայի ազգային հավաքականների միջև։ Հանդիպումն ավարտվեց դաշտի տերերի՝ Բրազիլիայի հաղթանակով՝ 1-0 հաշվով։
Հանդիպման միակ և հաղթական գոլը խփեց Մադրիդի «Ռեալի» վինգեր Վինիսիուս Ժունիորը։
Այս հաղթանակից հետո Բրազիլիայի հավաքականը 16 խաղից հետո ունի 25 միավոր և պաշտոնապես որակավորվել է 2026 թվականի աշխարհի առաջնությանը, որը կանցկացվի ԱՄՆ-ում, Մեքսիկայում և Կանադայում։ Մունդիալի ընտրական փուլի ավարտից երկու տուր առաջ բրազիլացիները զբաղեցնում են երկրորդ տեղը մրցաշարային աղյուսակում՝ յոթ միավորով առաջ անցնելով յոթերորդ տեղում գտնվող Վենեսուելայից։ Յոթերորդ հորիզոնականը հնարավորություն է տալիս մասնակցել մայրցամաքների միջև անցկացվող փլեյ-օֆֆին՝ աշխարհի առաջնության ուղեգրի համար։
Նշենք, որ Բրազիլիայի հավաքականի գլխավոր մարզիչ Կառլո Անչելոտին, որը մայիսի վերջին ստանձնեց թիմի ղեկը, իր երկրորդ խաղում գրանցեց իր առաջին հաղթանակը Բրազիլիայի հետ։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
