«Ռեալ Մադրիդը» հույս ունի ձեռք բերել Մարտին Սուբիմենդիին, սակայն «Արսենալը» կարող է գերազանցել նրանց առաջարկը, եթե ֆուտբոլիստը չմիջամտի։

Խաբի Ալոնսոյի «Ռեալ Մադրիդ 1.0»-ն արդեն գործարկվել է։ Կարճատև, բայց հավակնոտ մեկնարկային կազմ, որը պետք է թարմացվի առաջիկա մրցաշրջանից առաջ։ 2.0 տարբերակում «Ռեալի» նորանշանակ գլխավոր մարզիչը ցանկանում է իր կիսապաշտպանական պլաններում ներառել Մարտին Սուբիմենդիին։

Վալդեբեբասում՝ ակումբի գլխավոր շտաբում, կա վստահություն, որը հնարավոր կլինի իրականացնել մարզչի ցանկությունը։ 

Քանի դեռ լոնդոնյան ակումբը չի ակտիվացրել Սուբիմենդիի հրաժարագինը, ֆուտբոլիստը շարունակում է մնալ «Ռեալի» ուշադրության կենտրոնում։ Հույս դեռ կա։

Տրանսֆերային շուկայի ուսումնասիրությունից հետո «Ռեալը» եկել է եզրակացության, որ Սուբիմենդին իդեալական տարբերակ է կիսապաշտպանության կենտրոնը ուժեղացնելու համար։ Դա այնպիսի տրանսֆեր է, որի համար արժե պայքարել։ Իսկ այդ պայքարը կպահանջի բանակցություններ «Ռեալ Սոսիեդադի» հետ՝ փորձելով նվազեցնել պահանջվող գումարը։

26-ամյա Սուբիմենդիի հրաժարագինը կազմում է 60 միլիոն եվրո (65 միլիոն դոլար)։ Թեպետ դա խելահեղ գումար չէ՝ «Արսենալը» պատրաստ է անմիջապես վճարել այն, իսկ «Ռեալը», այնուամենայնիվ, համարում է չափազանց բարձր։ Մադրիդյան ակումբը, ամենայն հավանականությամբ, կփորձի նվազեցնել գումարը՝ փոխարենը առաջարկելով վարձակալական տարբերակ կամ ֆուտբոլիստներ։

«Ռեալի» գաղտնի զենքը

Սա այն տրանսֆերներից է, որտեղ Խաբի Ալոնսոյի դերը կարող է վճռորոշ լինել։ Ֆինանսապես «Ռեալը» չի կարող մրցել «Արսենալի» հետ՝ ոչ տրանսֆերի գումարի, ոչ էլ անձնական պայմանների տեսանկյունից։ Սակայն նրանք ունեն հզոր հաղթաթուղթ՝ Ալոնսոն։

Նրանք արդեն աշխատել են միասին. երբ Ալոնսոն 2019/20 մրցաշրջանում գլխավորում էր «Սանսեն»՝ «Ռեալ Սոսիեդադի» երկրորդ թիմը, Սուբիմենդին թիմում էր երկրորդ տարին և դարձավ առանցքային խաղացող՝ մասնակցելով բոլոր 25 խաղերին և անգամ չփոխարինվեց։ COVID-ից հետո Սուբիմենդին դարձավ հիմնական թիմի ֆուտբոլիստ։ 

«Միշտ ասել եմ՝ նա իմ կուռքն է եղել, ու մեծ բախտ եմ ունեցել, որ հենց նա էր ինձ մարզում այդքան կարևոր մրցաշրջանում», – ասել է Սուբիմենդին անցյալ շաբաթ՝ RNE-ին տված հարցազրույցում։

Հիմա նրանք կարող են վերամիավորվել Վալդեբեբասում։ Բայց դա մասամբ կախված է հենց Սուբիմենդիի կամքից։ Քանի դեռ «Արսենալը» լուռ է, «Ռեալը» մնում է պայքարի մեջ։