Հաջորդ մրցաշրջանի Չեմպիոնների լիգայի վիճակահանության առաջին զամբյուղի կազմը որոշվել է։

ESPN-ը հայտնում է, որ 2025/26 թ․ մրցաշրջանի Չեմպիոնների լիգայի ընդհանուր փուլի վիճակահանության ժամանակ առաջին զամբյուղում կլինեն

«Ռեալը», «Մանչեսթեր Սիթին», «Բավարիան», «Լիվերպուլը», «ՊՍԺ-ն», «Ինտերը», «Չելսին», «Բորուսիա Դորտմունդը» և «Բարսելոնան»։

Սռաջին զամբյուղում կլինեն Չեմպիոնների լիգայի հաղթողը և վերջին 5 տարիների ընթացքում եվրոպական ամենաբարձր արդյունքներ գրանցած 8 ակումբները։

«Բարսելոնան» կհայտնվի այս խմբում, քանի որ «Ռոման», որը իններորդ տեղում էր այդ դասակարգման մեջ, չկարողացավ որակավորվել ՉԼ՝ իտալական Սերիա Ա-ում զբաղեցնելով հինգերորդ տեղը։

Երկրորդ զամբյուղում կլինեն

«Արսենալը», «Բայերը», «Ատլետիկոն», «Ատալանտան», «Վիլյառեալը», «Յուվենտուսը» և «Այնտրախտը»։

Որակավորման փուլը հաղթահարելու դեպքում այս զամբյուղում կարող են հայտնվել նաև

«Բենֆիկան», «Բրյուգեն», «Ռեյնջերսը» և «Շախտյորը»։

Երրորդ և չորրորդ զամբյուղների կազմը կորոշվի ըստ որակավորման փուլերի արդյունքների։

Ամենահավանական թեկնածուները երրորդ զամբյուղում են.

«Այաքս», «Նապոլի», «Սպորտինգ», «Օլիմպիակոս», «Սլավիա», «Մարսել»։

«Տոտենհեմը» և ՊՍՎ-ն կարող են հայտնվել ինչպես երրորդ, այնպես էլ երկրորդ զամբյուղում։

Չորրորդ զամբյուղում, ամենայն հավանականությամբ, կլինեն

«Սելթիկը», «Մոնակոն», «Ատլետիկ Բիլբաոն» և «Նյուքասլը»։

Չեմպիոնների լիգայի ընդհանուր փուլի վիճակահանությունը կկայանա օգոստոսի 28-ին։

Fanat, Realmadrid.am