Ալեքսանդր–Առնոլդ․ «Ռեալի» նոր ֆուտբոլիստը

05.06.2025

708 0

Տրենտ Ալեքսանդր-Առնոլդը (Լիվերպուլ, 07/10/1998) «Ռեալի» նոր ֆուտբոլիստն է։ Անգլիայի ազգային հավաքականի 26-ամյա պաշտպանը «Ռեալ» է տեղափոխվել «Լիվերպուլից», որտեղ անցկացրել է իր ողջ ակումբային կարիերան։

Անգլիական ակումբում նա եղել է հաջողություններով լի մի դարաշրջանի առանցքային անդամը, որը վերջերս եզրափակվել է Պրեմիեր լիգայի նվաճմամբ։

Նա «Լիվերպուլի» կազմում նվաճել է 9 տիտղոս՝

1 Չեմպիոնների լիգա

1 Աշխարհի ակումբային առաջնություն

1 ՈւԵՖԱ-ի Սուպերգավաթ

2 Պրեմիեր լիգա

1 Անգլիայի գավաթ

2 Լիգայի գավաթ

1 Անգլիայի սուպերգավաթ

Աջ պաշտպան, որը նաև կարող է հանդես գալ կիսապաշտպանությունում

Ալեքսանդր-Առնոլդը սկսել է իր կարիերան «Լիվերպուլի» ակադեմիայում՝ միանալով թիմին ընդամենը 6 տարեկանում։ Առաջին թիմում սկսել է հանդես գալ 18 տարեկանում՝ 2016թ․ հոկտեմբերից։ Այդ պահից ի վեր Տրենտը մասնակցել է 354 խաղի՝ խփելով 23 գոլ։

Նա ունի մեծ միջազգային փորձ և որպես մեկնարկային կազմի խաղացող մասնակցել է երեք Չեմպիոնների լիգայի եզրափակիչների։ 2018-ին և 2022-ին պարտվել է «Ռեալին»՝ համապատասխանաբար Կիևում և Փարիզում, իսկ 2019-ին հաղթել «Տոտենհեմին»՝ նվաճելով «Լիվերպուլի» պատմության 6–րդ եվրոպական գավաթը։ Նա նաև առանցքային դեր է ունեցել «Լիվերպուլի» վերջին երկու Պրեմիեր լիգայի չեմպիոնությունների ժամանակ։

Ալեքսանդր-Առնոլդը 2018 թվականից ի վեր Անգլիայի ազգային հավաքականի լիարժեք անդամ է։ Նա մասնակցել է երկու Աշխարհի առաջնության (2018 և 2022) և մեկ Եվրոպայի առաջնության (2024), որտեղ դարձել է փոխչեմպիոն՝ եզրափակիչում պարտվելով Իսպանիային։ Նրա անձնական մրցակակներից են՝

Ընդգրկվել է FIFA FIFPro World 11-ի կազմում (2020)։
Երկու անգամ ընդգրկվել է ՈւԵՖԱ Չեմպիոնների լիգայի մրցաշրջանի խորհրդանշական հավաքականում (2018/19, 2021/22)։
Երեք անգամ՝ Պրեմիեր լիգայի խորհրդանշական հավաքականում (2018/19, 2019/20, 2021/22)։
2019/20 մրցաշրջանում ճանաչվել է Պրեմիեր լիգայի լավագույն երիտասարդ խաղացող։

ԿԱՐԻԵՐԱ