Ֆուտբոլում կանոն է փոխվել

04.06.2025

1025 0

Ֆուտբոլային ասոցիացիաների միջազգային խորհուրդը (IFAB) իր պաշտոնական կայքում տեղեկացրել է 11-մետրանոց հարվածի իրականացման ընթացքում կրկնակի հպման կանոնի փոփոխության մասին։

Այսուհետ, եթե 11-մետրանոցը իրացվում է, և խաղացողը պատահաբար կատարում է կրկնակի հպում՝ հարվածից հետո նորից դիպչելով գնդակին՝ առանց այլ խաղացողի միջամտության, ապա հարվածը պետք է կրկնվի։

Եթե նման դեպքի արդյունքում հարվածը դառնում է ոչ արդյունավետ (գնդակը չի հայտնվում դարպասում), և իրավիճակն ուղղակի օգուտ չի տալիս պաշտպանվող կողմին, ապա մրցավարը պարտավոր է նշանակել անուղղակի ազատ հարված։

Իսկ եթե նման դեպքը տեղի ունենա խաղից հետո իրականացվող 11-մետրանոց հարվածաշարում, ապա հարվածը կդիտվի որպես վրիպած։

Fanat, Realmadrid.am