«Ռեալը» չի հանձնվում ու պատրաստ է խառնել «Լիվերպուլի» խաղաքարտերը

29.05.2025

1338 0

«Ռեալը» շարունակում է հետաքրքրություն ցուցաբերել «Բայերի» կիսապաշտպան Ֆլորիան Վիրցի տեղափոխության վերաբերյալ և հույս ունի, որ, ի վերջո, գործարքը կկայանա։ Ինչպես հաղորդում է AS-ը, մադրիդյան ակումբում հասկանում են, որ այս պահին «Լիվերպուլը» ֆավորիտ է խաղացողի համար պայքարում, սակայն չեն կորցնում վստահությունը սեփական հնարավորությունների նկատմամբ։

«Սերուցքայինները» կարծում են, որ Խաբի Ալոնսոյին գլխավոր մարզչի պաշտոնում նշանակելը կարող է վճռորոշ դեր խաղալ գերմանացի կիսապաշտպանի հետ բանակցություններում։

Ընթացիկ մրցաշրջանում Վիրցը բոլոր մրցաշարերում մասնակցել է 45 խաղի, որոնցում խփել է 16 գոլ և կատարել 15 գոլային փոխանցում։ Transfermarkt-ի տվյալներով՝ նրա տրանսֆերային արժեքը կազմում է 140 միլիոն եվրո։

Fanat, Realmadrid.am