Կառլո Անչելոտիի որդին՝ Դավիդե Անչելոտին, հրաժեշտ է տվել Մադրիդի «Ռեալին»:
«4 տարի անց ժամանակն է հրաժեշտ տալու։
Դժվար է բառերով արտահայտել, թե ինչ է նշանակում հեռանալ «Ռեալից»։ Այս ակումբը պարզապես պատմություն չէ, դա պահանջ է, վեհություն, ընտանիք։ Ես երջանիկ եմ եղել, և ինձ մեծ պատիվ է տրվել այդ ամենն ապրել ներսից՝ աճելով որպես մարդ և որպես մարզիչ այս եզակի միջավայրում։
Շնորհակալություն եմ հայտնում ֆուտբոլիստներին՝ ինձ ամեն օր ինչ-որ բան սովորեցնելու, անձնակազմին՝ այդքան աշխատանքային ժամեր և նվիրվածություն կիսելու համար, և ակումբի բոլոր անդամներին, որոնք հնարավոր են դարձնում այն, ինչ աշխարհը տեսնում է ամեն շաբաթ։
Եվ, իհարկե, շնորհակալություն եմ հայտնում երկրպագուներին։ «Ռեալի» մասը լինելը նշանակում է մշտապես հաղթելու ճնշման ներքո ապրել ու միաժամանակ ունենալ արտոնություն՝ զգալ ձեր աջակցությունն ամբողջ աշխարհում։
Ինձ համար նոր փուլ է սկսվում։ Պատրաստ եմ հուզմունքով, հարգանքով և մեծ ցանկությամբ կիրառել այն ամենը, ինչ այստեղ սովորել եմ։
Շնորհակալությու՛ն, «Ռեալ Մադրի՛դ»։ Մինչ նոր հանդիպում։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
