Լա լիգայի առաջին տուրում Մադրիդի «Ռեալը» հյուրընկալվելիս 2-0 հաշվով հաղթեց Բիլբաոյի «Աթլետիկին»:
Կայացել է «Արքայական ակումբի» գլխավոր մարզիչ Կառլո Անչելոտիի հետխաղային մամուլի ասուլիսը:
«Միլիտաոն ձգել է ծնկի կապանները, ամեն ինչ այդքան լավ չէ: Մենք կգնահատենք նրա վիճակը առաջիկա ժամերին: Խաչաձև կապաննե՞րը, մենք չենք կարող բացառել լուրջ վնասվածքի հավանականությունը»:
«Մենք լավ էինք վերահսկում գնդակը: Շատ լավ էինք աշխատում եզրերում, Վինիսիուսը շատ լավ է հարմարվում նոր դիրքին և Ռոդրիգոն մեծ նշանակություն կունենա այս մրցաշրջանում, բայց չգիտեմ, թե քանի գոլ կարող է նա խփել: Հուսով եմ՝ 19-ից ավելի»:
«Բելինգեմը հիանալի հանդիպում անցկացրեց, նա անհավանական ֆուտբոլիստ է: Նա նաև հիանալի բնավորության գծեր ունի և մեզ արդեն թվում է, որ Ջուդը վաղուց է խաղում «Ռեալում»:
«Լունինը շատ լավ խաղաց: Նա հավաքված և ինքնավստահ տեսք ուներ: Արիսաբալագա՞ն, նա «Ռեալի» ֆուտբոլիստ չէ և ես չեմ խոսելու այլ թիմերի ֆուտբոլիստների մասին»:
«Եթե Խոսելուն խաղա մեկնարկային րոպեներից, մենք պետք է փոքր-ինչ փոխենք խաղային դիրքերը: Կարծում եմ, որ Վինիսիուսը շատ լավ է հարմարվել նոր դիրքին»:
«Կրոսն ու Մոդրիչը թիմի մասն են: Նրա խաղաժամանակ կստանան: Այսօր նրանք դուրս եկան փոխարինման, բայց դա չի նշանակում, որ նրանք մեկնարկում չեն լինելու հաջորդ շաբաթ»:
ՌԵԱԼ ՄԱԴՐԻԴ 
Հայերեն 
English 
