Իսպանիայի գավաթի 1/16 եզրափակիչում «Ռեալի» մրցակցի հարձակվողի հարցազրույցից հատվածներ:
«Ռեալի» դեմ խաղն իսկական տոն կլինի մեր քաղաքի համար: Մենք անհամբերությամբ ենք սպասում հանդիպման մեկնարկին և հաջորդ փուլ դուրս գալու հնարավորությանը, որպեսզի մտնենք պատմության մեջ: Այդ հանդիպումը մենք միշտ կհիշենք»:
«Հուսով եմ՝ կկարողանամ ևս մեկ գոլ խփել, բայց ամենակարևորն այն է, որ թիմը նվաճի 1/8 եզրափակիչի ուղեգիր: Կարևոր չէ, թե մրցակիցն ինչ կազմ կհանի, «Ռեալը» մնում է «Ռեալ», նրանք շատ լավ խաղացողներ ունեն: Թող նրանք մեկնարկային կազմ դուրս բերեն լավագույններին, մենք մեր հերթին կփորձենք անելն նույնն ու հաղթել նրանց»:
«Թիմակիցներս ինձ խնդրել էին, որ վիճակահանության ժամանակ ես որպես մեզ մրցակից հանեմ «Ռեալին» և արդյունքում այդպես էլ եղավ: Նրանք մտածում են, որ ես հրաշք եմ գործել»:
«9 համարների պայքար Բենզեմայի հե՞տ, հուսով եմ, որ նա վատ օր կունենա, իսկ դրանից հետո՝ լավ: Բայց այդ օրը թող նա արթնանա փորի ցավով»:
«Սերուցքայինները» շատ ֆուտբոլիստներ ունեն, որոնք մասնակցել են ԱԱ-2022-ին, բայց նրանք կմրցեն մեզ հետ: Շատ դժվար խաղ է լինելու, որտեղ պետք է գործել շատ ինտենսիվ: Պետք է շատ վազենք: Նրանց խաղը չպետք է ստացվի, իսկ մենք պետք է անցկացնենք մեր կյանքի հանդիպումը»:
«Ռեալի» դեմ հաղթանակը տոն կդառնա: Կարծում եմ, որ այդ խաղից 1-2 օր հետո մենք կհանգստանանք: Տեսնենք՝ կհաջողվի՞»:
Իսպանիայի գավաթի 1/16 եզրափակիչում կայանալիք «Կասերենյո» - «Ռեալ Մադրիդ» հանդիպումը կկայանա հունվարի 4-ին և կմեկնարկի Երևանի ժամանակով 00:00-ին:
ՌԵԱԼ ՄԱԴՐԻԴ 
Հայերեն 
English 
