«Ռեալից» կրած պարտությունից հետո «ՊՍԺ»-ի գլխավոր մարզիչ Մաուրիցիո Պոչետինոն դժգոհել է մրցավարական անձնակազմի գործողություններից։
Հանդիպման 61-րդ րոպեին Բենզեման պրեսինգի դիմեց Դոնարումայի նկատմամբ և ստիպեց վերջինիս կորցնել գնդակը։ Արդյունքում ֆրանսիացին հավասարեցրեց հանդիպման հաշիվը։
Հանդիպման գլխավոր մրցավար Դանի Մակելին որևէ խախտում չտեսավ ֆրանսիացու գործողություններում և արձանագրեց խփած գնդակը։
Իսկ ահա «ՊՍԺ»-ի գլխավոր մարզիչ Պոչետինոն համաձայն չէր մրցավարի կայացրած որոշման հետ։
«Սա խայտառակություն էր։ Դոնարումայի դրվագում կար խախտում և անհնար է նման կոպիտ խաղը չտեսնել։ 2022 թվականին նման սխալները անթույլատրելի են». նշել է Պոչետինոն։
Los Merengues, Realmadrid.am