«Բարսելոնայի» և բրազիլիայի հավաքականի լեգենդար ֆուտբոլիստ Ռիվալդոն խոսել է Մադրիդի «Ռեալի» ֆուտբոլիստ Իսկոյի մասին։
«Իսկոն լավ տարիներ է անցկացրել «Ռեալում» և բավական շատ է խաղացել։ Բայց վերջին երկու մրցաշրջաններում նա խաղաժամանակի պակաս է զգում, ուստի կարող է հետևել Խամես Ռոդրիգեսի օրինակին և նոր ակումբ գտնել, որտեղ կկարողանա կրկին փայլել։
Խամեսը ուղղակի փայլում է «Էվերթոնում», և ես չեմ բացառում, որ շուտով Իսկոն ևս դիմի նման քայլի։
Իհարկե, Իսկոն հետևում է Խամեսի խաղին և քաջ գիտակցում է, որ Խամեսը ուրախ է իր կատարած որոշման համար, քանի որ նա այնպիսի թիմում է, որտեղ մշտական խաղաժամանակ է ստանում և կարողանում է իրեն լավ դրսևորել։
Եթե Զիդանը շարունակի ուշադրություն չդարձնել նրա վրա, ապա շատ հավանական է, որ Իսկոն ևս ընտրի «Ռեալից» հեռանալու ուղին». ասել է Ռիվալդոն։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
