«Ռեալ Մադրիդ» ՖԱ–ն հայտարարում է, որ Սերխիո Սկարիոլոն կլինի մեր բասկետբոլային թիմի գլխավոր մարզիչը առաջիկա երեք մրցաշրջանների ընթացքում՝ մինչև 2028 թվականի հունիսի 30-ը։
Սերխիո Սկարիոլոն կղեկավարի «Ռեալ Մադրիդը» Իսպանիայի բասկետբոլի ազգային հավաքականի՝ Կիպրոսում, Ֆինլանդիայում, Լեհաստանում և Լատվիայում կայանալիք Եվրոբասկետին մասնակցությունից հետո։
Սկարիոլոն, համաշխարհային բասկետբոլի ամենահեղինակավոր մարզիչներից մեկը, միանում է «Ռեալ Մադրիդին» փայլուն ճանապարհից հետո Իսպանիայի ազգային հավաքականում, որտեղ դարձել է պատմության ամենատիտղոսակիր մարզիչը՝ նվաճելով ընդհանուր 8 մեդալ՝ 5 ոսկի (2019 թ․ Աշխարհի գավաթ, Եվրոբասկետ 2009, 2011, 2015 և 2022), 1 արծաթ (Լոնդոնի 2012 Օլիմպիական խաղեր) և 2 բրոնզ (Ռիոյի 2016 Օլիմպիական խաղեր և Եվրոբասկետ 2017)։
Նա դարձել է NBA-ի չեմպիոն որպես օգնական մարզիչ «Տորոնտո Ռեփթորսի» կազմում՝ 2018/19 մրցաշրջանում։ Նրա ակումբային եվրոպական նվաճումներն ընդգրկում են 8 տիտղոս՝ 2 ACB լիգայի չեմպիոնություն, որոնցից մեկը՝ «Ռեալ Մադրիդի» հետ (1999/2000), մյուսը՝ «Ունիկախայի» հետ, 1 իտալական լիգայի չեմպիոնություն՝ «Սկավոլինիի» հետ, 2 Արքայական գավաթ՝ մեկական՝ «Տաու Կերամիկայի» և «Ունիկախայի» հետ, ինչպես նաև 1 Եվրագավթ և 2 Իտալիայի սուպերգավաթ՝ «Վիրտուս Բոլոնիա» ակումբի կազմում։
ՌԵԱԼ ՄԱԴՐԻԴ 
Հայերեն 
English 
