«Ռեալի» ղեկավարությունն ու Զինեդին Զիդանը տարբեր տեսակետ ունեն ակումբի զարգացման հարցում, հաղորդում է Sports World-ը:
Վերջին տարիներին «արքայական» ակումբը մեծ գումարներ է ծախսել այնպիսի երիտասարդ տաղանդներ գնելու վրա, ինչպիսիք են Վինիսիոսը, Ռոդրիգոն, Էդեգորը, Բրահիմը, Լունինը, Ռեյնիերը, Կուբոն և Յովիչը: Մադրիդում նրանց հետ մեծ հույսեր են կապում:
Զինեդին Զիդանը վերընշված խաղացողներից միայն Ռոդրիգոյին է նախապատվություն տալիս:
Բրահիմը, Կուբոն և Յովիչը ստիպված էին վարձավճարով այլ ակումբ տեղափոխվել, Վինիսիուսը դեռևս մնում է՝ հիմնականում խաղերն սկսելով պահեստայինների նստարանից, Ռեգիլոնն ու Աշրաֆը հեռացել են:
Ֆրանսիացի մասնագետի կազմի թարմացման մեխանիզմը հստակ ցույց է տալիս, որ վերջինս նախընտրում է ավելի փորձառու ֆուտբոլիստների. Մենդին՝ Մարսելոյի փոխարեն, Կուրտուան՝ Նավասի, Ազարը՝ Ռոնալդուի և Ասենսիոն՝ Բեյլի:
Sports World-ը հայտնում է, որ Ֆլորենտինո Պերեսը ցանկանում է առաջիկա տարիների ընթացքում առավելագույնը քաղել իր ներդրումներից, մինչդեռ Զիդանն առավել լավ է աշխատում ավելի հասուն ֆուտբոլիստների հետ:
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
