Իսպանիայի առաջնության 12-րդ տուրում Մադրիդի «Ռեալը» կհյուրընկալվի «Ռայո Վալյեկանոյին» (06.11, 00:00):
«Արքայական ակումբի» գլխավոր մարզիչ Կառլո Անչելոտիի նախախաղային մամուլի ասուլիսը:
«Ընթացիկ մրցաշրջանում մենք լավ ենք հանդես եկել տանը և ուրախ ենք, որ վաղը վերադառնալու ենք «Սանտիագո Բեռնաբեու»: Հարազատ պատերը միշտ օգնում ենք մեզ և մենք միայն պետք է լավ հանդիպում անցկացնենք և պահպանենք առավելությունն առաջնությունում»:
«Այս շաբաթ Գյուլերը սկսել է մարզվել թիմի հետ: Նա հայտավորված կլինի հանդիպմանը: Աստիճանաբար Արդան կսկսի խաղաժամանակ ստանալ: Գյուլերը հարձակման գծի ֆուտբոլիստ է, նա կօգնի խաղալ կենտրոնում, տեղ կզբաղեցնի հարձակվողի, ինչպես նաև աջ եզրայինի դիրքում»:
«Մենք դիտարկում ենք Կամավինգային հենակետային կիսապաշտպանի դիրքում խաղացնելու տարբերակը: Կամավինգայի որակներն ամենաշատն են մոտ Չուամենիի որակներին»:
«Առաջիկա երեք խաղերում մենք ռոտացիա կկիրառենք, բայց վաղվա խաղն առաջնային է, քանի որ մրցելու ենք ամուր և շատ լավ կազմակերպված թիմի հետ: Հիմա լավ պահ է այս երեք խաղերում հաղթանակի հասնելու համար»:
«Վինիի հետ ամեն բան կարգին է: Ես կարծում եմ, որ նա, ցավոք, սովորել է ռասիզմին: Նա կենտրոնացած է իր խաղի և աշխատանքի վրա: Այլ հարցերով ես կարիք չեմ զգում նրա հետ զրուցելու համար»:
ՌԵԱԼ ՄԱԴՐԻԴ 
Հայերեն 
English 
