Մադրիդի «Ռեալում» վարձավճարով ելույթ ունեցող Խոսելուն ամփոփել է «Մանչեսթեր Յունայթեդի» դեմ խաղը (2-0) և խոսել շրջադարձ հարվածով իր գոլի մասին:
«Հիասթափված էի, որ մինչև այդ չկարողացա գլխի հարվածով գրավել դարպասը, բայց գոհ եմ իմ գոլից ու հաղթանակից: Առաջին անգամ չէր, որ նման հարված էի փորձում, ու լավ ստացվեց: Կատարեցի այն, ինչ մտածում էի վերջին պահին: Գնդակը բավական բարձր էր, անցավ գլխիս վրայով, հարվածեցի ու գրավեցի դարպասը:
Մարզումների ժամանակ փորձում եմ հնարավորինս լավ գոլեր խփել: Գոհ եմ, որ կարողացա հաղթանակն ապահովող գոլ խփել, ինչը շատ կարևոր է՝ մինչմրցաշրջանի մնացած հատվածում մեր ոգին բարձրացնելու համար: Մենք լավ ելույթ ունեցանք:
Չեմ սիրում խոսել թվերի մասին: Ես եկել եմ այստեղ, որպեսզի օգնեմ ու անեմ այն, ինչ մարզիչն ասի: Հարձակվողը սիրում է գոլեր խփել, դրա համար էլ ես ուրախ եմ: Ամեն ինչ շատ ավելի է հեշտանում, երբ շրջապատված եմ լինում այսպիսի խաղացողներով: Ինձ շատ լավ են ընդունել, ու ես իսկապես շատ լավ եմ հարմարվում»,- ասել է Խոսելուն խաղից հետո:
Fenomeno, Realmadrid.am
ՌԵԱԼ ՄԱԴՐԻԴ 
Հայերեն 
English 
