Կամավինգայի՝ ԱԱ 2022-ին մասնակցելու շանսերը գնալով մեծանում են

02.11.2022

2076 0

ԱԱ 2022-ը արդեն սարերի հետևում չէ, և մի շարք հավաքականներ արդեն ընտրել են ընդլայնված հայտացուցակները։

Գործող չեմպիոն Ֆրանսիայի հավաքականը այս տարի փորձելու է պահել չեմպիոնական տիտղոսը։

Դիդյե Դեշամը, սակայն, խնդիրներ ունի կազմի ընտրության հարցում։ Բանն այն է, որ վնասվածքների պատճառով ԱԱ 2022-ը բաց կթողնեն Նգոլո Կանտեն և Պոլ Պոգբան։

Սա նշանակում է, որ ֆրանսիացիները խնդիրներ են ունենալու կիսապաշտպանության ընտրության հարցում։ Այս ամենը կարող է հնարավորություն տալ «Ռեալի» կիսապաշտպան Էդուարդո Կամավինգային՝ մասնակցել միջազգային գլխավոր մրցաշարին։

Ինչ վերաբերում է Չուամենիին, ապա գրեթե կասկածներ չկան, որ վերջինս իր տեղն ունենալու է Ֆրանսիայի հավաքականի վերջնական հայտացուցակում։

Los Merengues, Realmadrid.am