«Ռեալ Սոսյեդադը» ցանկանում է, որ Մարտին Սուբիմենդին իր կարիերան շարունակի «Արսենալում»։
Ավելի վաղ հայտնի էր դարձել, որ լոնդոնյան ակումբի և 26-ամյա ֆուտբոլիստի միջև պայմանագիրը համաձայնեցված է, և վերջինս շուտով բուժզննում կանցնի։
Սակայն, ավելի ուշ, «Ռեալը» ևս միացավ պայքարին և կիսապաշտպանի տրանսֆերային իրավունքները ձեռք բերելու դիմաց 60 մլն եվրո առաջարկեց։
Ինչպես հայտնում է The Independent-ի լրագրող Միգել Դելեյնին, «Ռեալի» գործողությունները զարմանք են առաջացրել «Ռեալ Սոսյեդադի» ղեկավարության մոտ։
Նշվում է, որ Սան Սեբաստիանը ներկայացնող ակումբում գերադասում են, որ Սուբիմենդին տեղափոխվի «Արսենալ» և հույս ունեն, որ հենց այդպես էլ կլինի։
Լա Լիգայի ավարտված մրցաշրջանում կիսապաշտպանը «Սոսյեդադի» կազմում մասնակցել է 48 հանդիպման՝ դառնալով 2 գոլի և 1 գոլային փոխանցման հեղինակ։ Նա նաև 11 անգամ զգուշացվել է դեղին քարտով։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
