«Շնորհակալություն այն ամենի համար, ինչ տվել եք աշխարհի լավագույն ակումբին՝ մեր սիրելի «Ռեալ Մադրիդին», – հայտարարել է նախագահը շքանշանների հանձնման արարողության ժամանակ։

Ֆլորենտինո Պերեսի ամբողջական ելույթը շքանշանների հանձնման արարողության ժամանակ

Ֆլորենտինո Պերեսը նախագահել է 2025 թվականի արարողությանը, որտեղ «Ռեալ Մադրիդի» այն «socios»-ներին (անդամներին) շնորհվել են պարգևներ, ովքեր 50 և 60 տարի շարունակ հավատարմություն են ակումբի նկատմամբ։ Էմիլիո Բուտրագենյոյի ելույթից հետո խոսել է ակումբի նախագահը։ Մի րոպե լռությամբ հարգելով բոլոր այն անձանց հիշատակը, ովքեր այլևս մեզ հետ չեն, նա ասաց․

«Սա մեր ակումբի ամենահուզիչ և անկեղծ արարողություններից մեկն է։ Սա խորին երախտագիտության դրսևորում է ձեր նվիրվածության և «Ռեալ Մադրիդի» հանդեպ կրքի համար։ Դուք հավատարմություն և սեր եք ցուցաբերել մի զինանշանի և մարզաշապիկի նկատմամբ, որոնք ձեր կյանքի մի մասն են։ Ապագայում դեռ շատ բան ունենք կիսելու միասին։ Շնորհակալություն ձեր ուժի, սիրո և աջակցության համար»։

«Ձեզ ենք հայտնում մեր շնորհակալությունը և միևնույն ժամանակ շնորհավորում ենք, որ «Ռեալ Մադրիդի» անդամներ եք 50 անընդմեջ տարի, իսկ շատերդ՝ նույնիսկ 60 տարի։ Դուք ամեն ինչ տվեցիք այս ակումբին և հասաք մի բանի, որը շատ դժվար է․ դարձնել «Ռեալ Մադրիդը» աշխարհի ամենասիրելի սպորտային հաստատությունը։ «Ռեալ Մադրիդը» չէր լինի այն, ինչ կա, առանց ձեր ջանքերի, զոհաբերությունների և աշխատանքի։ Այս ոսկե և ոսկե-ադամանդե շքանշանները խորհրդանիշ են այն ամենի, ինչը ներկայացնում եք դուք այս ակումբի համար։ Բացի այդ, ուզում եմ նշել նաև նրանց, ովքեր այս տարի 25–րդ տարին են բոլորում որպես ակումբի անդամ, և արդեն ստացել են իրենց արծաթե շքանշանները։ Նրանց նույնպես խորին երախտագիտություն ենք հայտնում»։

«Դուք եք «Ռեալ Մադրիդը»։ Դուք կարողացել եք պահպանել այս ակումբը որպես մեծ ընտանիք։ Իսկ մեր միասնությունը մեր ամենամեծ ուժն է։ Այդ միասնությունն է մեզ թույլ տվել հաղթահարել պատմության ընթացքում եղած մեծ մարտահրավերները և վայելել այն կայուն առաջընթացը, որն անհրաժեշտ է մեր հաջողություններին»։

Համաշխարհային ընդգրկում

«Մենք մեծ ընտանիք ենք՝ արժեքներով, որոնք հիմք են հանդիսանում «Ռեալ Մադրիդի» համար։ Դրանք են մեզ դարձնում աշխարհում սոցիալական ցանցերում ամենաշատ հետևորդներ ունեցող ակումբը՝ ավելի քան 630 միլիոն երկրպագուով։ Մենք ակումբ ենք, որը մարդկանց սրտերում է, որովհետև «Ռեալ Մադրիդի» երկրպագու լինելը կյանքի վերաբերմունք է, գործելակերպ։ Դա նշանակում է երբեք չհանձնվել, դիմակայել ամենամեծ մարտահրավերներին՝ անգամ այն դեպքում, երբ դրանք անհնար են թվում՝ անկախ ազգությունից, գաղափարախոսությունից, լեզվից, դավանանքից կամ մշակույթից։ Այս զինանշանը միավորում է միլիոնավոր մարդկանց աշխարհի բոլոր անկյուններում։ Եվ դա նաև ձեր շնորհիվ է»։

Ընտանեկան կապ

«Այսօր դուք հատկապես կհիշեք ձեր ծնողներին և բոլոր նրանց, ովքեր ձեզ ժառանգել են այս կապը «Ռեալ Մադրիդի» հետ՝ ողջ կյանքի համար։ Նրանք ձեզ փոխանցել են մի զգացողություն, որը համընդհանուր է և միավորում է միլիոնավոր մարդկանց բոլոր մայրցամաքներում։ Եվ նրանք նաև ձեզ միշտ սովորեցրել են այն արժեքները, որոնցով կառուցվել է աշխարհի լավագույն ակումբի պատմությունն ու լեգենդը՝ աշխատանք, մշտական առաջընթաց, ընկերասիրություն, հարգանք, համեստություն և համերաշխություն»։

Սպորտային հաջողություններ

«Անցած տարի «Ռեալ Մադրիդը» նվաճեց իր 15–րդ Չեմպիոնների լիգայի գավաթը։ Իսկ այս մրցաշրջանում մեր թիմը նվաճեց ևս երկու տիտղոս, որոնք համալրում են մի տիտղոսների ցուցակ, որին հասնելը շատ դժվար կլինի։

Այնուամենայնիվ, ինչպես գիտեք, այս ակումբում մենք միշտ ավելին ենք ցանկանում։ Եվ հիմա մենք կրկին ոգևորված ենք և պատրաստվում ենք ԱՄՆ–ում կայանալիք Աշխարհի ակումբային առաջնությանը։ Իսկ բասկետբոլում մենք այժմ վերջին փուլում ենք և կփորձենք նվաճել մեր 38-րդ լիգան։ Սա նաև պահ է՝ արժևորելու այն ամենը, ինչին միասին ենք հասել վերջին 15 մրցաշրջաններում։ Որովհետև իրոք շատ դժվար է նվաճել 30 ֆուտբոլային և 27 բասկետբոլային տիտղոս։ Ընդամենը 57 տիտղոս՝ այդ թվում՝ 6 Չեմպիոնների լիգա ֆուտբոլում և 3՝ բասկետբոլում»։

Շնորհակալություն Անչելոտիին և Մոդրիչին

«Թույլ տվեք հատուկ շնորհակալություն հայտնել երկու լեգենդների, ովքեր արժանի ու հուզիչ պատիվ ստացան մադրիդիստական համայնքից։ Մեր գնահատանքն ու հիացմունքը՝ մեր սիրելի Կառլո Անչելոտիին և Լուկա Մոդրիչին։ Շնորհակալություն այն ամենի համար, ինչ տվել եք մեզ»։

«Սանտիագո Բեռնաբեու» ստադիոն

«Մենք հպարտ ենք, որ ունենք մի ստադիոն, որը գտնվում է աշխարհի մեծագույն մայրաքաղաքներից մեկի՝ Մադրիդի սրտում, և որն արդեն դարձել է այս քաղաքի ու համաշխարհային ֆուտբոլի ամենանշանավոր ու առաջատար ճարտարապետական խորհրդանիշներից մեկը»։

«Ռեալ Մադրիդի Սիթի» 

«Մենք հպարտ ենք այն ժառանգությամբ, որն ունենք։ Այս մարզաբազայում աճում և ձևավորվում են մեր երիտասարդ սաները։ Այստեղ են ծնվում հույսեր ու երազանքներ։ Եվ ամենից առաջ՝ սա արժեքների ձևավորման կենտրոն է»։

«Ռեալ Մադրիդ» հիմնադրամ

«Այսօր այն օրն է, երբ պետք է գիտակցենք, թե ինչերի կարող է հասնել այս ակումբը ձեր համառության, հավատարմության և նվիրվածության շնորհիվ։ Այս շարունակական աշխատանքի շնորհիվ մենք կարողացել ենք ստեղծել մի հիմնադրամ, որը «Ռեալ Մադրիդի» սիրտն է և ներկայումս գործում է ավելի քան 100 երկրում։ Այս տարիների ընթացքում աջակցություն ենք տրամադրել ավելի քան մեկուկես միլիոն մարդու՝ իրականացնելով ավելի քան 1.000 նախագիծ։

Եվ երեկ մենք կրկին դա տեսանք «Բեռնաբեուում» անցկացված մեծ համերաշխության միջոցառման ժամանակ։ Corazón Classic Match հանդիպումը դրա վառ օրինակն էր։