«Ռեալի» գլխավոր մարզիչ Զինեդին Զիդանն ամփոփել է Լա լիգայի 17-րդ տուրի՝ «Սելտայի» հետ հանդիպումը: Ֆրանսիացի մասնագետի խոսքերը փոխանցում է «արքայական» ակումբի մամուլի ծառայությունը:
Հանդիպման մասին.
«Մենք վերահսկում էինք հանդիպման ընթացքը սկզբից մինչև վերջ ու արդյունքում շատ կարևոր 3 միավոր վաստակեցինք: Հակառակորդի կիսադաշտում կիրառած բարձր պրեսինգը մեր խաղաոճի յուրահատկություններից է»
Ասենսիոյի մասին.
«Ուրախ եմ Մարկոյի համար: Նա լուրջ վնասվածքից հետո է վերադարձել ու աստիճանաբար ավելացնում է»:
Ազարի մասին.
«Ազարի պարագայում նույնպես պետք չէ շտապել: Ժամանակն ամեն ինչ իր տեղ կգցի: Հարկավոր է համբերատար լինել ու սպասել»
Վասկեսի մասին.
«Լուկասը շատ հուսալի ֆուտբոլիստ է, ով հիանալի զգում է խաղի տեմպն ու ակտիվ լինում 90 րոպեների ընթացքում: Նրա ցուցադրած խաղամակարդակը չի զարմացնում մեզ:
Ինչու՞ փոխարինվեց Կարվախալը:
«Դանին անհարմարություն զգաց, այդ պատճառով էլ փոխարինվեց, սակայն կարծում եմ՝ լուրջ բան չկա»:
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
