Ռաուլ Գոնսալեսը ապագայում կարող է գլխավորել «Արքայական» ակումբը։
As-ի փոխանցմամբ, նախկին հարձակվողը Անչելոտիի հեռանալու պարագայում կարող է դառնալ հիմնական թիմի գլխավոր մարզիչ։ Կարլոյի գործող պայմանագիրը նախատեսված է մինչ 2024 թվականը։ Նշվում էր, որ նրա ծառայություններով հետաքրքրված է Բրազիլիայի հավաքականը։
Ներկա պահին Ռաուլը գլխավորում է «Կաստիլիան», որն այժմ Իսպանիայի 3-րդ դիվիզիոնում զբաղեցնում է 4-րդ հորիզոնականը։
Ակումբի ղեկավարությունը գտնում է, որ Ռաուլը պատրաստ է դառնալ հիմանական թիմի գլխավոր մարզիչ։ Իսկ անձամբ Գոնսալեսի համար մարզչական կարիերան շարունակելու առաջնային տարբերակը հենց «Արքայական» ակումբն է։
Օրեր առաջ տեղեկություններ էին շրջանառվում, որ Ռաուլը առաջարկներ ունի ԱՊԼ-ից, սակայն մերժել է դրանք։
Այս ամենի շուրջ վերջին խոսքը պետք է ասի ակումբի նախագահ Ֆլորենտինո Պերեսը։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
