Հոդվածներ

Մարտին Էդեգորը մտնում է Անչելոտիի ծրագրերում
15.06.2021
2221 0

The Athletic-ի փոխանցմամբ, Մարտին Էդեգորը գալիք մրցաշրջանը կանցկացնի «Արքայական» ակումբի կազմում։ 

Նորվեգացին նախորդ մրցաշրջանի երկրորդ հատվածը վարձավճարային հիմունքներով անցկացրեց «Արսենալի» կազմում, և լոդոնյան ակումբի գլխավոր մարզիչ Միկել Արտետան հիացած էր երիտասարդ ֆուտբոլիստով։ 

«Արսենալը» ցանկանում է ձեռք բերել Էդեգորի ամբողջական տրանսֆերային իրավունքները, սակայն Կարլո Անչելոտիի նշանակումից հետո նրանց համար շատ բարդ է լինելու դա անելը։ 

Աղբյուրի փոխանցմամբ, «Ռեալը» մտադիր չի եղել բաց թողնել Էդեգորի 2021 թվականի հունվարին, սակայն ֆուտբոլիստը անձամբ է ցանկացել հեռանալ, քանի որ քիչ խաղաժամանակ էր ստանում Զիդանի օրոք։ 

Անչելոտիի վերադարձով ամեն բան կարող է փոխվել։ Նշվում է, որ Էդեգորը մտնում է իտալացի մասնագետի խրագրերում։  

Էդեգորը նախքան վերջնական որոշում կայացնելը պետք է զրուցի Անչելոտիի հետ, որպեսզի հստակեցնի իր դերը գալիք մրցաշրջանում։ 

Ներկա պահին ակումբի և ֆուտբոլիստի միջև նոր պայմանագիր կնքելու հարցում որևէ բանակցություն չի ընթանում։

Los Merengues, Realmadrid.am


Ամենակարդացված