«Բարսելոնայի» նախագահ Ժոան Լապորտան քննադատության է ենթարկել Մադրիդի «Ռեալի» հեռուստաընկերությանը, որը տեսանյութեր է ստեղծում՝ վերլուծելով «Արքայական ակումբի» նկատմամբ կայացրած մրցավարական սխալները:

«Նայե՛ք, թե ինչ է անում «Ռեալի» հեռուստաընկերությունը։ Շաբաթ առ շաբաթ նրանք փորձում են ազդել մրցավարների վրա։ Սա ամոթ է։

Նայե՛ք մրցավարների տեխնիկական կոմիտեի (CTA) նախագահներին։ Նրանք բոլորը կապված են «Ռեալի» հետ՝ նախկին տնօրեններ կամ նախկին խաղացողներ», - Լապորտայի խոսքերն է մեջբերել լրագրող Ժերար Ռոմերոն իր X սոցիալական ցանցի էջում։

Հիշեցնենք, որ ավելի վաղ «Արքայական ակումբի» նախագահ Ֆլորենտինո Պերեսը քննադատության էր ենթարկել «Բարսելոնային», որին մեղադրել էին կաշառակերության մեջ՝ մրցավարների տեխնիկական կոմիտեի նախկին փոխնախագահ Խոսե Մարիա Նեգրեյրեին վճարումներ կատարելու համար։ «Կապտանռնագույնները» կասկածվում էին նշված վճարումները կատարելու մեջ 2001-ից մինչև 2018 թվականներին։