Մրցաշրջանն ավարտվել է, ազգային հավաքականները հանդիպումներ են անցկացնում, իսկ աշխարհի տարբեր անկյուններից ֆուտբոլիստները հավաքվում են ԱՄՆ-ում, որտեղ հունիսի 15-ին կմեկնարկի Աշխարհի ակումբային առաջնությունը։ ՖԻՖԱ-ի հովանու ներքո անցկացվող այս մրցաշարին կմասնակցեն աշխարհի 32 ակումբներ։

Մրցաշարի մեկնարկից առաջ The Athletic պարբերականը կազմել է ԱԱԱ մասնակից բոլոր ակումբների վարկանիշները։  Աղբյուրը գրում է.

«Սա պարզապես վարկանիշ չէ, որը հիմնված է թիմերի մարզական արդյունքների վրա։ Մենք հաշվի ենք առել ինչպես խաղային որակները, այնպես էլ ակումբների գլոբալ ճանաչելիությունն ու ֆինանսական ուժը»։

Վարկանիշի համար օգտագործվել են հինգ չափանիշ՝

• Opta-ի ակումբային վարկանիշը, որը գնահատում է յուրաքանչյուր ակումբ՝ 100 միավորանոց սանդղակով՝ հիմնվելով առաջադեմ վիճակագրության ու վերջին արդյունքների վրա։
  
• Վերջին հինգ տարիների տրանսֆերային ծախսերի ընդհանուր գումարը։
  
• 2024/25 մրցաշրջանի ընթացքում տնային խաղերի միջին հանդիսատեսի քանակը։

• Սոցցանցերում բաժանորդների ընդհանուր թիվը։
• Հաղթանակներ մայրցամաքային բարձրագույն մրցաշարերում՝ հաշվի են առնվել միայն բարձրակարգ մրցաշարերը, օրինակ՝ Չեմպիոնների Լիգան, սակայն ոչ Եվրոպայի Լիգան։
  

Ակումբները յուրաքանչյուր չափանիշով ստացել են 1-ից 32 միավոր։ Այնուհետեւ միավորները գումարվել են և բաժանվել հինգի՝ ստանալու համար ընդհանուր վարկանիշ. որքան ցածր է թիվը, այնքան բարձր է ակումբի տեղը։

The Athletic-ի վարկածով ԱԱԱ լավագույն 10 ակումբները՝

10-րդ տեղ – «Բենֆիկա», ընդհանուր միավոր՝ 59

9-րդ տեղ – «Յուվենտուս», 51.5

8-րդ տեղ – «Ատլետիկո», 49.5

7-րդ տեղ – Դորտմունդի «Բորուսիա», 49

6-րդ տեղ – «Չելսի», 42

5-րդ տեղ – «Ինտեր», 34.5

4-րդ տեղ – «Մանչեսթեր Սիթի», 31.5

3-րդ տեղ – ՊՍԺ, 28

2-րդ տեղ – «Ռեալ Մադրիդ», 26.5

1-ին տեղ – «Բավարիա», 22

Fanat, Realmadrid.am