«Ռեալի» նախկին ֆուտբոլիստ Գուտին քննադատել է Կարիմ Բենզեմային, ով բաց է թողել թիմի վերջին 13 խաղերից 6-ը։ Երեկ «Սերուցքայինները» պարտվեցին «Ռայո Վալեկանոյին» և զիջեցին առաջին հորիզոնականը «Բարսելոնային»։ Ֆրանսիացին հերթական անգամ չմասնակցեց խաղին։
«Բենզեմայի վարքը անհասկանալի է։ Մեսին խաղում է «ՊՍԺ»-ի կազմում, Լևանդովսկին՝ «Բարսելոնայի», մի շարք այլ ֆուտբոլիստներ՝ իրենց ակումբների։ Կարելի է ընդունել, որ կա ԱԱ 2022-ը բաց թողնելու ռիսկ, սակայն միևնույն ժամանակ դու չես կարող վատ դրության մեջ դնել քո ակումբին։
Ոչ ոք չի ցանկանում բաց թողնել Աշխարհի առաջնությունը, սակայն առաջին տեղում ֆուտբոլիստների համար պետք է լինեն իրենց ակումբները». El Chiringuito-ի հետ զրույցի ընթացքում նշել է Գուտին։
Ընթացիկ մրցաշրջանում Բենզեման «Ռեալի» կազմում մասնակցել է 12 հանդիպման՝ դառնալով 6 գոլի հեղինակ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
