Խաբի Ալոնսոյի ու Մադրիդի «Ռեալի» ուղիները բաժանվեցին։ Թիմը այսուհետ կգլխավորի Ալվարո Արբելոան։ 

Նոր մարզիչը իսկույն գործի է անցել ու արդեն հասցրել է մեկ մարզում անցկացնել թիմի ղեկին։

Մարզչական շտաբին է միացել նաև Անտոնիո Պինտուսը։ AS-ի տեղեկություններով, նրա վերադարձն անձամբ ցանկացել է Ֆլորենտինո Պերեսը։

Իր առաջին ասուլիսի ժամանակ Արբելոան անդրադարձ է կատարել նաև Պինտուսին։

«Ինձ համար մեծ պատիվ է աշխատել Պինտուսի հետ։ Նա նվաճել է ՉԼ-ի 5 գավաթ ու իր գործում լավագույններից մեկն է աշխարհում։

Նշվում է, որ մարզումը բաց են թողել Կիլիան Մբապեն ու Ռոդրիգոն։ Նրանք առողջական խնդիրներ ունեն։

Արբելոայի գլխավորությամբ «Սերուցքայիններն» իրենց առաջին հանդիպումը կանցկացնեն հունվարի 14-ին։ Թիմը Իսպանիայի գավաթի խաղարկության շրջանակում ուժերը կչափի «Ալբասետեի» հետ։

Los Merengues, Realmadrid.am