Մադրիդի «Ռեալը» քննարկում է իր երիտասարդ հարձակվող Գոնսալո Գարսիայի վաճառքի հնարավորությունը Անգլիայի Պրեմիեր լիգայի մի շարք ակումբների։ 

Fichajes պորտալի տեղեկություններով՝ իսպանական գրանդը պատրաստ է բանակցությունների և սպասում է մոտ 20 մլն եվրոյի առաջարկ։

Աղբյուրը հայտնում է, որ 21-ամյա ֆուտբոլիստի նկատմամբ հետաքրքրություն են ցուցաբերում «Սանդերլենդը», «Ասթոն Վիլան» և «Վուլվերհեմփթոնը»։ Սպասվում է, որ այդ ակումբները մոտ ժամանակում կարող են պաշտոնական հարցումներ ուղարկել խաղացողի տրանսֆերի վերաբերյալ։

Ընթացիկ մրցաշրջանում Գարսիան «Ռեալի» կազմում  մասնակցել է 9 խաղի բոլոր մրցաշարերում՝ աչքի ընկնելով մեկ գոլային փոխանցմամբ։ Նրա պայմանագիրը ուժի մեջ է մինչև 2030 թվականը։

Fanat, Realmadrid.am