Մադրիդի «Ռեալի» հարձակողական ոճի կիսապաշտպան Արդա Գյուլերը դարձել է առաջին խաղացողը, որը ստեղծել է 10 գոլային պահ հինգ առաջատար եվրոպական լիգաներում 2025/2026 մրցաշրջանում։ Այս մասին հայտնում է Squawka-ն սոցիալական ցանց X-ում։

Այս ցուցանիշով երկրորդ տեղում է «Սևիլիայի» կիսապաշտպան Դոդի Լուկեբակիոն, որի հաշվին կա 9 գոլային պահ։ Եռյակը եզրափակում է «Վիլյառեալի» վինգեր Նիկոլա Պեպեն՝ 8:

Անցած մրցաշրջանում Գյուլերը «Ռեալի» կազմում անցկացրել է 44 խաղ, որոնցում դարձել է 5 գոլի և 9 գոլային փոխանցման հեղինակ։ Նրա պայմանագիրը «Ռեալի» հետ գործում է մինչև 2029 թվականը, իսկ խաղացողի տրանսֆերային արժեքը գնահատվում է €45 մլն։

Fanat, Realmadrid.am