Այս թվերը հաստատում են, որ «խաղային օրվա» (matchday) մշակույթն ապրում է իր լավագույն ժամանակները: Ակումբներից շատերը վերակառուցում են իրենց մարզադաշտերը՝ փորձը բարելավելու և եկամուտներն ավելացնելու համար: Ներկայումս ակումբների 75%-ի մոտ մարզադաշտերի զբաղվածությունը գերազանցում է 80%-ը:

«Էսպանյոլի» աճը և «Բեռնաբեուի» առաջատարությունը

Առանձնահատուկ ուշադրության է արժանի «Էսպանյոլի» աճը. նրանց տնային խաղերին միջինը մասնակցել է 29․497 հանդիսատես, ինչը 30%-ով ավելի է, քան նախորդ տարի: Սա լիգայի ամենամեծ աճն է (չհաշված երկրորդ դիվիզիոնից նոր բարձրացած թիմերին):

Ցուցակը շարունակում է գլխավորել «Ռեալ Մադրիդը». «Սանտիագո Բերնաբեուում» միջինը ներկա է լինում 73․828 հանդիսատես: Չնայած «Բարսելոնան» այս պահին զիջում է մադրիդցիներին՝ «Մոնժուիկ» տեղափոխվելու և «Սփոթիֆայ Կամպ Նոուի» վերանորոգման պատճառով, սպասվում է, որ մարզադաշտի ամբողջական բացումից հետո իրավիճակը կփոխվի:

Ահա հաճախելիության առաջատար քառյակը.

«Ռեալ Մադրիդ» – 73․828 հանդիսատես

«Ատլետիկ Բիլբաո» – 48․194 հանդիսատես

«Բարսելոնա» – մոտ 45․000 հանդիսատես (տարբեր մարզադաշտերում)

«Վալենսիա» – 44․533 հանդիսատես

Նորեկների ազդեցությունը

Պրիմերա վերադարձած պատմական ակումբները՝ «Ռեալ Օվիեդոն», «Էլչեն» և «Լևանտեն», զգալիորեն բարձրացրել են վարկանիշային աղյուսակի միջին հատվածը: Երեքն էլ ունեն մեծ մարզադաշտեր և ապահովում են ավելի քան 20․000 միջին հաճախելիություն:

Աղյուսակի վերջում է հայտնվել «Խետաֆեն» (միջինում 8․238 հանդիսատես), ինչը պայմանավորված է նաև նրանց մարզադաշտի վերակառուցման աշխատանքներով, որի պատճառով տեղերի քանակը ժամանակավորապես կրճատվել է:

Զբաղվածության մակարդակը

Մարզադաշտերի ընդհանուր զբաղվածության տոկոսը կազմում է 83%: Մի շարք ակումբներ, ինչպիսիք են «Բարսելոնան», «Ատլետիկը» և «Վալենսիան», հասել են 90% և ավելի զբաղվածության:

Հատկանշական է նաև «Բետիսի» օրինակը. նրանք ժամանակավորապես տեղափոխվել են «Լա Կարտուխա» մարզադաշտ, որն ունի 10․000-ով ավելի նստատեղ: Չնայած դրան, նրանք կարողացել են պահպանել 85% զբաղվածություն՝ յուրաքանչյուր խաղին հյուրընկալելով ավելի քան 58․000 երկրպագու: