Մադրիդի «Ռեալի» և Բրազիլիայի հավաքականի հարձակվող Վինիսիուս Ժունիորը կարող է պատասխանատվության ենթարկվել իր ծննդյան տոնի կազմակերպման պատճառով, գրում է O Globo-ն։

Բրազիլացու դեմ դատական հայց է ներկայացվել՝ կապված հարձակվողի 25-ամյակի առթիվ կազմակերպված աղմկոտ երեկույթի հետ, որը տեղի է ունեցել ֆուտբոլիստի առանձնատանը Ռիո դե Ժանեյրոյում և շարունակվել է հուլիսի 19-ից մինչև 21-ը։

Հաղորդվում է, որ երեկույթին մասնակցել է մոտ 500 մարդ։ Ըստ բողոքի, միջոցառումները՝ ներառյալ ռեպ-համերգը, հրավառությունները և ժամանցային ատրակցիոնները խախտել են ամբողջ թաղամասի անդորրը և խանգարել հարևաններին։

Ըստ բրազիլական օրենսդրության՝ «այլ անձանց աշխատանքի կամ հանգստի խախտումը» համարվում է իրավախախտում և կարող է պատժվել 15 օրից մինչև 3 ամիս ազատազրկմամբ կամ տուգանքով։

Վինիսիուսի գործով նախնական դատական նիստը նշանակված է նոյեմբերի 6-ին։

Fanat, Realmadrid.am