Դանի Կարվախալը այսօր դարձավ 29 տարեկան։ Աջ եզրային պաշտպանը Մադրիդի «Ռեալի» կազմում հանդես է գալիս արդեն 8 մրցաշրջան։ Այդ ընթացքում նա «Ռեալի» կազմում մասնակցել է 290 հանդիպման՝ 4-ական անգամ դառնալով ՉԼ-ի և ԱԱԱ-ի հաղթող, երեք անգամ՝ Եվրոպայի սուպերգավաթակիր, 2 անգամ՝ Լա Լիգայի հաղթող, 2 անգամ՝ Իսպանիայի սուպերագավաթակիր և մեկ անգամ՝ Իսպանիայի գավաթակիր։
Կարվախալը «Ռեալի» սան է և թիմում է 2002 թվականից։ Այս մրցաշրջանում նա դարձել է երկու գոլային փոխանցման հեղինակ, իսկ «Ատլետիկոյի» դեմ խաղում հենց նրա հեռահար հարվածից հետո գնդակը դիպչեց Օբլակին և հայտնվեց ցանցում։
Իսպանիայի հավաքականի կազմում Կարվախալը հանդես է գալիս 2014 թվականից։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
