«Օսասունայի» կիսապաշտպաններ Նաչո Վիդալն ու Պենյան վնասվածքի պատճառով չեն կարող մասնակցել Լա լիգայի 22-րդ տուրում կայանալիք «Ռեալի» դեմ խաղին:
Դեղին քարտերի պատճառով որակազարկված են ձախ պաշտպան Կրուսն ու հարձակվող Ավիլան:
Կենտրոնական կիսապաշտպան Այմարն ու հենակետային կիսապաշտպան Տորոն նոր են վերականգնվել վնասվածքից և նրանց մասնակցությունը հարցականի տակ է:
«Օսասունա» - «Ռեալ Մադրիդ» հանդիպումը կկայանա փետրվարի 18-ին և կմեկնարկի Երևանի ժամանակով 23:55-ին: