«Ռեալը» հունվարին կարող է նոր պաշտպան ունենալ։
Երեկ՝ «Վիլյառեալի» դեմ կայացած խաղում խաչաձև կապանների վնասվածք ստացավ նաև Դավիդ Ալաբան, ով բաց կթողնի մրցաշրջանի մնացած հատվածը։
Marca-ի փոխանցմամբ, չնայած այն ամենին, որ «Ռեալը» չէր պլանավորում ձմռանը որևէ տրանսֆեր իրականացնել, Ալաբայի վնասվածքը կարող է փոխել ծրագրերը։ Առաջիկա օրերին ղեկավարությունը քննարկում կունենա՝ պաշտպանության գիծն ուժեղացնելու նպատակով։
Նշվում է, որ «Ռեալի» գլխավոր տրանսֆերային թիրախը «Բենֆիկայի» պաշտպան Անտոնիու Սիլվան է։ Վերջինիս ծառայություններով հետաքրքրված է նաև «Մանչեսթեր Յունայթեդը»։ Սակայն կա շատ մեծ խանգարող հանգամանք։ «Բենֆիկան» նրա տրանսֆերի դիմաց կարող է մեծ գումարներ պահանջել։ Սիլվայի հրաժարագինը այժմ կազմում է 100 մլն եվրո։
«Ռեալը» դիտարկում է նաև «Սպորտինգի» պաշտպան Գոնսալու Ինասիուի և «Լիլի» պաշտպան Լենի Յորոյի տարբերակները։ Իսկ եթե «Սերուցքայինները», այնուամենայնիվ, որոշեն նոր ֆուտբոլիստ ձեռք չբերել, կենտրոնական պաշտպանի կարող է վերածվել Օրելիեն Չուամենին։
Los Merengues, Realmadrid.am