Էդեն Ազարի շուրջ ստեղծված իրավիճակը շարունակում է անորոշ մնալ։
Marca-ի փոխանցմամբ, բելգիացին ցանկանում է մինչ մրցաշրջանի ավարտը մնալ «Ռեալում» և հաջողության հասնել։
Չի կարելի ասել, որ շատ ակումբներ են ցանկանում ձեռք բերել Ազարի տրանսֆերային իրավունքները։ «Չելսին» և «Նյուքասլը» հետաքրքրված չեն նրա ծառայություններով։ Այստեղ մեծ դեր է խաղում Ազարի աշխատավարձը։ Այն բավական բարձր է, և քիչ ակումբներ կարող են իրենց թույլ տալ ֆուտբոլիստին նման աշխատավարձ վճարել։
Ամռանը «Ռեալը» մտադիր է մի քանի թոփ տրանսֆեր իրականացնել, իսկ դրա համար թիմին առաջին հերթին գումար է անհրաժեշտ։ Նշվում է, որ «Սերուցքայինները» մտադիր են ամռանը բաժանվել Ազարից։
Ընթացիկ մրցաշրջանում բելգիացին «Ռեալի» կազմում մասնակցել է 17 հանդիպման՝ դառնալով 1 գոլի և 2 գոլային փոխանցման հեղինակ։
Los Merengues, Realmadrid.am